标题:
好抵死噶女友。(粤语,不懂勿入)
[打印本页]
作者:
风度斌
时间:
2009-5-5 06:21
标题:
好抵死噶女友。(粤语,不懂勿入)
NO.1
男:今晚你想食乜嘢 ?
女:是但啦!!你话事吖.
男:去食麻辣烫吖.
女:天气咁热.你想热死我啊??
男:咁去食水煮鱼吖.好耐无食过喇.
女:我前两日先食过,成日食好热气.
男:咁去食泰国嘢或者韩国烧烤好唔好??
女:都话咗热气啦,仲要我食哩D嘢,你有无心听我讲嘢架!
男:咁去POKKA好唔好??果度D SET DINNER都几好食.
女:POKKA好多人,唔想排队
男:咁去鋸排好唔好??
女:唔想食咁多肉,好肥架.
男:无人叫你食晒件排,或者妳叫碟意粉又或者其他嘢都得架
女:咁咪即係叫我睇住你鋸排,我唔食你都唔准食.
男:...........
男:咁食台湾嘢好唔好?
女:台湾嘢好多油,好肥架
男:咁去食粥喇
女:食粥唔饱肚
男:麦当当或者家乡鸡求其一样..行啦
女:都话热气咯.
男:咁寿司呢?
女:我都唔食寿司嘅,你唔係唔知架.咁摆明找碴姐.....
男:不如你话事啦,我唔想谂喇.
女:我係谂唔到食乜先叫你话事,你俾D主见得唔得!!!
男:唔係话热气就话肥,我真係谂唔到仲有乜可以食.
女:咁係热气,係肥吖嘛..我有讲错咩,自己谂唔到就乱发人脾气.有无搞错啊你!!!
男:唉....甘去"味千"食拉面啦好唔好啊?
女:唔..都好,我要食咖哩拉面,炸餃子,仲要食雪糕..YEAH.就咁决定啦..GOGOGO
男 : (心谂) 你老味 ~神又你鬼又你~咖哩唔热气嘅、炸饺唔热气嘅,仲要一路话肥仲食雪糕.....
NO.2
喺游乐场内十环过山车前...男唔敢玩任何机动游戏
女:哇,好刺激啊!我又要玩!我最中意玩过山车架喇。
男:好啊,我睇你玩啦。
女:点解要睇我玩啊,你放心我一个人去玩架喇。你做咩唔玩吖~~~你讲吖!!
男:我...我惊吖嘛。
女:惊!!平时搞搞镇果阵唔见你惊!!!你想喺度及女咋呱,你估我唔知啊。
男:我无啊!真係惊啊!我畏高架!见到都已经惊喇。
女:惊你个死人头,你有无见过过山车哒死过人吖?你有无见过男人老狗唔够胆玩过山车吖?你有无见过俾咗钱唔玩嘅人吖?你有无见过......
男:得喇得喇!我玩喇!
女:^3^
玩过一次之后,女吓到面都青埋...
男:正啊!原来真系好好玩!我地玩多次咯~~~
女:痴线架你,係咪变态架!!玩一次好啦,玩咁多次做咩啊!!
男:咁觉得无想象中咁惊,又几刺激咪玩啰。
女:睬你都傻。我要去买嘢食。
男:咁你去买啦,我自己去玩多次跟住过嚟揾你。
女:玩咩玩。唔准玩。你想乘机走去及女咋嘛,你想去坐喺第条女隔离一齐玩咋嘛,你想笑我唔敢再玩咋嘛,你想拖我时间等我无得玩其他嘢咋嘛,你想撇开我咋嘛...
男:......
男:唔玩啰。我开始以为你中意玩先叫你玩多次咋嘛。
女:我依家中意睇你玩跳楼机,中意睇你去玩波波池,中意睇你玩旋转木马,甘你去啦...
男:......
NO.3
男陪女喺厅睇完套韩剧...女突然好伤感......
女:我问你吖...
男:咩啊?
女:你爱唔爱我?
男:做咩咁问嘅,你知架。
女:俾三声机会你。一,二...
男:爱啊爱啊,做咩啊?系米想诈娇啊?
女:诈你个死人头...
男:......
女:如果有得俾你拣,你情愿我死定你死??
男:唔答得唔得...
女:一,二...
男:我死!!
个女嘅谂咗一阵...
女:你死!你死咗我咪好闷啰!!你死咗边个交屋租啊,边个整水喉啊,边个帮我批苹果啊,边个帮我洗底衫裤啊,你死咗边个比我虾啊...哇~~好多好多。你够胆死死嘅...!!
男:咁...
咁你死喇...
女:哇...你只死产,甘你都够胆死讲嘅。你係咪人嚟架。枉我平时咁锡你,咁保护你,咁关心你,咁照顾你...
男:拿...我一早就知点答都死架喇。
女:你自己答得唔好咋嘛...一齐死咪得啰。
男:......(唔讲死得唔得啊)
NO.4
深夜....
女:起身啊..!!
男:做咩啊..??
女:你有无做对我唔住嘅嘢??
男:无啊.做咩咁问....
女:你有架...快讲啊.
男:真係无啊...夜麻麻米吵啦.好眼训啊.
女:你仲唔认个涡....!!
男:我认咩姐...
女:头先明明梦见你同第二个女人坐埋同一部车翻工....
作者:
虾公
时间:
2009-5-5 08:57
哈哈,真系好搞笑啊,女人真系唔知点讲俱好啊.
作者:
ooo198686
时间:
2009-5-5 12:01
确实很有意思一边看一遍这个懂的翻译 其乐无穷啊语言的魅力 啊服了
作者:
159159159
时间:
2009-5-5 15:02
哈哈~好真实,女生就是这样。有这个女朋友应该很好玩,
不知道是不是亲身经历呢?
作者:
zwtc1225
时间:
2009-5-5 15:40
果然看不懂,风格和香港娱乐杂志比较像嘛,也不知道这些字怎么打出来的
欢迎光临 SiS001! Board - [第一会所 关闭注册] (https://06.1huisuo.com/luntan/)
Powered by Discuz! 7.2